حلم كل مصري مغترب انه يبقي عنده محفظة اصول بتجيب فلوس تساوي دخله الشهري , علشان لما يصحي من النوم مش قادر يشتغل او صحته تخونه يبقي متطمن علي حياه و تعليم و استقرار عياله و اسرته , حلم مشروع بقالنا سنين في SDC بنساهم في تحقيقه لـ مئات ان لم يكن الاف من المصرين في الخارج
الحلم ده تحقيقه مبني علي التوازن في البناء ودراسة المخاطر المحسوبه مقابل منافع مستقبليه
من أصعب ما يكون وزن المخاطر مقابل المنافع في سوق عالي المخاطر عالي المنافع زي السوق المصري , بس بفضل الله و بنسبة تجاوزت ال ٩٠٪ حققنا المستهدفات لينا ولكل اللي وثق فينا
التحدي الاضافي اللي بقالنا سنه فيه ان السوق دخل في ركود اجباري , بفعل السياسه النقدية اللي اختارت مر الركود في مواجهه علقم التضخم , اللي بيحصل في السوق حاليا ملخبط ناس كتير برغم ان الطلب الاصلي مكمل , سواء للاستخدام او الاستثمار خصوصا من المصرين في الخارج
جالي طلبات كتير تسألني علي عروض المطورين الكتيره , والناس مش فاهمه هو ده حلو ولا وحش خصوصا ان الارقام المستخدمه في الاعلانات مضلله , الفرصه الحقيقية لازم تبقي بناء علي ارقام فعليه
ده مثلا بيمنت لـ شقة غرفتين نوم صغيره اقل من ١٠٠ متر في مشروع بادية اللي في اكتوبر الجديده , اول ٣ سنين بعد ما نفك الطلاسم هايبقي قسطك الربع سنوي متوسط ١٦٠ الي ١٧٠ الف , ومن بعد السنه التالته بيزيد بشكل درامي , القسط الربع سنوي علشان يبقي متوسط ٣٠٠ وبيوصل في اخر ٤ سنين الي ٣٥٠ الف قسط ربع سنوي
فلما يتقالك بالك هيلز منزله شقق ب ٧٠٠٠ جنيه قسط شهري ويسكت , مفروض يتحاسب بجريمة اللعب باحلام و قدرات الناس اللي ليها حق في السكن و عاجزه عنه
في قطاع الشقق السكنية احنا شاورنا للناس في ٢٠٢٢ تشتري في ال R7 , لما كان المتر ب ١٠ الي ١٥ الف جنيه و النهارده سعر المتر وصل ٥٠ و ٦٠
السنه اللي فاتت قولنا طول ما المتر في R8 تحت ال 35 الف اشتري , و لما طلع فوق ال ٤٥ في نفس المشروع اللي كنا بنرشحه , قولنا عندك فرص بديله افضل في نفس سعر المتر في R7
النهارده في التجمع السادس , احنا بنشاور و نقول تحت ال ٥٠ بدون تشطيب , وحوالين ال ٦٠ كامل التشطيب , ومش بس بنشاور , لكن كمان بنتأكد علي حصول الناس اللي وثقت فينا , علي سعر متر ٥٧ متشطب كمثال , وعلي سنين قسط طويله باقساط متساويه , بدون شغل حواه و سحره
وده حققناه في ٣ مشاريع , اوبشن بدون تشطيب في هوم تاون هانشرح تفاصيله تحت ال ٥٠ , اوبشن متشطب في نيست التابع لـ N development , و نول التابع ل كلييك
المهم اننا نقدر نحقق احسن استفاده ونأمن احسن موقع و سعر و طريقه دفع في التجمع السادس اللي فيه معجنه
نفس الامر في قطاع المكاتب الادارية , اليومين دول في لونش جديد لشركة دومينار في الحي المالي , و بكل هدوء دول شريك استراتيجي لينا قصه نجاح كبيره معاهم , في مشروعم الاول ثري سكوير , اللي بيتشطب و بيتسلم في ميعاده
السعر في المشروع واصل ل ١٣٠ الف للمتر , و واجبنا ودورنا ان الناس اللي وثقت فينا و بتشتري بره مصر , نجيبلهم السعر الافتتاحي , اللي اقرب للـ ١٠٠ الف مش الاقرب لـ ١٣٠ , علشان نأمن ليهم مكسب ٢٥٪ علي الاقل , من اول يوم علشان اختارنا صح و اشترينا صح برغم الركود
لكن اللي بيركز و بياخد بالاسباب و حاطط مصلحة الناس اولا , ربنا بيكرمه و بيحقق ارقام اعجازية في وسط الركود اللي بيتم خلخلته , و لسه مع اجتماع البنك المركزي و الخفض المتوقع لفايده البنوك , هانشوف حركة كويسه جدا في السوق بعد رمضان , و بداية سيرك راس الحكمه الجديدة
طبعا لما الدولار كان بيطلع ١٠ قروش كل صحابي بيبعتولي , لكن النهارده والدولار رجع ينزل تاني قصاد الجنيه محدش بيجيب سيرته , وتاني بنقول عادي نتحرك في نطاق ٤٨ الي ٥٢ , و لو نزل تحت ٤٨ يبقي في حاجه بتحصل , زي فلوس راس جميله او ديلز كبيره زي راس الحكمه , او اتفاق اعادة اعمار غزه , خدنا منه حصه كبيره , و لو طلع فوق ٥٢ , يبقي امريكا و الصين بيحاربو بعض اقتصاديا , و العالم داخل علي معجنه مع ترامب
بس في كل الاحوال يظل العقار ملاذ امن لاختزان القيمه , خصوصا لو خلصت احتياج السكن الاصلي , و بقي استثمارك بعدها في العقارات , اللي تتأجر ب ٢٠٠ دولار في الليله في الساحل في الصيف , او ب ١٠٠ دولار في الليله في القاهره طول السنه , وده محتاج عقار راكب عليه شركة ادارة اصول تطلع منه القيمه دي
مفيش بيزنس سهل ولا طريق سهل ولا قرار سهل و لا مكسب سهل و بدون مخاطر
المهم تحسبها كويس و تبقي بتاخد بالاسباب و عارف محددات تختار علي اساسها و تقارن , عايز تبني محفظتك و جبت شقتك و فاضل المكتب والشاليه او لسه بتبنيها من البدايه , احنا مش بنساعدك تشتري لكن بنساعدك تفهم المنهج و تتعلم ازاي تشتري , و تبني محفظتك اللي تكفيك شر السؤال و العوز مستقبلا باذن الله
حلم مشروع وقابل للتحقيق ويستحق يتبني في سنين , علشان يساعد و يسند في سنين الراحه ما بعد الشقي والاغتراب
SDC بوابة ثقة المصرين في الخارج
جاهز لاستقبال استفساراتكم مباشر , من هنا يوميا من التاسعه مساء بتوقيت مصر , هارد علي كل الاستفسارات اللي بتجيلي , لكل اللي عندهم حلم , يتعلمو ازاي يبنو cash cow مستقبلهم في قطاعات , زي العقارات و الشركات الناشئه و الاصول البديلة
و قريبا نبدأ tour في المدن اللي فيها جاليات مصرية كبيره , نتكلم معاهم بيزنس و استثمار بشكل جديد و مختلف
ابعت استفسارك من هنا 👇